Sofa sofa
Svaf yfir mig í morgun. Skil ekki hvernig það gat gerst. Bæði með vekjaraklukku og Unu Rán. Vaknaði tíu mín. Í átta en náði samt að mæta á réttum tíma. Svaf reyndar vel í nótt. Var samt erfitt að svæfa Unu í gær en svo svaf hún bara ágætlega þannig að ég er vel sofin í dag. Enda er dagurinn í dag strax betri en í gær. Ánægðari í vinnunni í dag og svona. Skrítið hvað svefn skiptir miklu máli, eða skiptir mig miklu máli.

Ég er svo mikið að vanda mig að vera góði ríkisstarfsmaðurinn. Ekki þessi leiðinlega stofnanatýpa hjá skattinum sem vill ekkert fyrir neinn gera. Hefur gengið ágætlega hingað til. Er búin að vera afgreiða umsóknir um fyrirframgreiddar vaxtabætur og það hefur gengið ágætlega. Þeim sem var synjað vegna skorts á gögnum eru núna að hringja og ath hvað vantaði og ég er svo góð og hjálpa þeim eins vel og ég get. Gaman.

Jæja best þá að snúa sér aftur að vaxtabótunum…..