Sumarbústaður
Er að reyna redda bústað fyrir BRJÓST 2003. Gengur ekki nógu vel að finna bústað með potti. Er komin með alla famílíuna í málið. Vonandi að við fáum e-n fínan bústað. Það er á stundu sem þessari að ég sakna moggans óheyrilega mikið. Þar eru nefnilega til svo rosalega fínir bústaðir, með potti og öllu til alls. Spurning að ég tékki líka á þeim. Reyndar eru rosa strangar reglur um að lána bara starfsfólki þannig að það fellur örugglega um sjálft sig.

Una Rán er aftur komin með roða í eyrun. Litla lasleika krílið mitt. Hún svaf í bílstólnum í nótt. Ráð sem ég lærði af Kristbjörgu frænku, hún á það til að vera nokkuð sniðug. Hún er með rosa hita og er því bara heima með pabba sínum í dag. Ó ég vildi að ég gæti líka verið með henni.

Kosningar í dag. X-VAKA. Ætla að fara á eftir og kjósa. Verða allir að fara, munaði hvað 4 atkvæðum í fyrra. Greinilegt að maður skiptir máli!!

Gaf Tjörva disk í gær. Nocturama með Nick Cave. Lofar mjög góðu skal ég segja ykkur, enda bregðast snillingar sjaldan....