TIL HAMINGJU VAKA
Frábært hjá þeim!! Mér finnst líka frábært að þeir skildu vinna góðan sigur. Greinilegt að fólki líkar hvað stúdentaráð er að gera. Fínt líka að það skyldi ekki vera svona mjótt á munum. Var Röskva ekki að vinna mjög naumt síðustu ár, eins Vaka í fyrra. Mín skýring á því er sú að fólki líkar betur hvað Vaka er að gera en það þurfti mikið til að ná meirihlutanum í stúdentaráð. Þannig að núna þurfa vökuliðar að halda áfram á góðu brautinni og vinna enn stærri sigur á næsta ári.

Svaf næstum því yfir mig í morgun, komst því ekki í morgunsturtuna mína :-( Alveg orðin háð henni.

Una er alger hornebbi, en ég er að vona að henni fari nú að batna bráðum. Fór ekki til dagmömmunnar í morgun enda enn með smá hita.

Bachelor er ÆÐI. Mér finnst líka gæinn svo mikil snilld. Ekki það að ég sé skotin í honum enda alls ekki mín týpa. En hann kemur svo vel fram við þær og er svo hreinn og beinn. Tekur þessu mjög alvarlega (sem þetta er auðvitað) og vandar sig mikið. En vá hvað Gwen var dugleg í gær. Rosalega bar hún sig vel, ég átti bara ekki til orð!!! Ég reyndar stóðst ekki freistinguna og kíkti hver vann enda var GB svo sniðug að setja link inná það af blogginu sínu. Hugsa samt að ég hefði kíkt hvort eð er en þetta var of mikil freisting fyrir mig. En tilfinningatrippið sem þau hljóta að vera á núna. Skil ekki fólk að taka þátt í svona löguðu, en mér finnst engu að síður mjög gaman að horfa á það.