Þetta eru niðurstöðurnar sem ég fékk hjá mbl.is

Sjálfstæðisflokkur (D) 76%
Frjálslyndi flokkurinn (F) 76%
Samfylkingin (S) 72%
Framsóknarflokkur (B) 70%
Vinstrihreyfingin - grænt framboð (U) 56%

ætti ég kannski ekki að setja þetta á netið. Æ mér er alveg sama. Skil ekki alveg hvernig ég gat skorað 56% hjá Vinsti-helv-grænum.

TaugaáfallÉg er að fara hitta Gylfa leiðbeinandann minn á eftir. Ég kvíði ofboðslega fyrir, hvað er hann segir að ritgerðin sé hrikaleg og ég þurfi að byja uppá nýtt?!! Shit shit, ég fæ taugaáfall áður en ég kemst til að hitta hann. Ágætt samt að ég skuli eiga tíma kl. 14 því GB á að hitta hann kl. 15. Þá getur hún veitt mér fyrstu hjálp ef það líður yfir mig á ganginum vegna spennufalls hehe.

Mér finnst samt leiðinlegast að ef allt gengur vel og ég get skilað henni á laugardaginn þá er ég samt ekki búin þar sem ég þarf að skila einni ritgerð í viðbót. En það er nú samt bara trítla miðað við þessa. Best að horfa á björtu hliðarnar og segja frekar að ég sé heppin að fá nú að gera eina ritgerð í viðbót.

Unan mín er farin að labba út um allt. Núna finnst mér líka alveg rosalega gaman að fara með henni út að leika. Sérstaklega af því að henni finnst það svo æðislegt, gaman líka að fylgjast með henni uppgötva heiminn á hverjum degi. Reyndar er hún með tilheyrandi kúlur og marbletti en hún er nú samt fljót að jafna sig eftir bylturnar.

Við hjónakornin vorum afar dugleg í gær og tókum allt í gegn heima, líka bílinn. Núna langar mig samt bara til að vera heima og njóta afrakstursins. Gaman að vakna í morgun og allt hreint, ætli að það verði enn þá þegar ég fer að sofa í kvöld?

Ég var að setja niður titilinn á ritgerðinni minni í gær. Hún á að heita: ,,Samþætting einkalífs og vinnu - hagnaður einstaklinga og fyrirtækja". Útskrift svo 21. júní ef guð lofar.

Það var verið að auglýsa eftir samfélagsfræðikennara í Öldutúnsskóla, kannski að maður kanni það.

Það er ekki gaman að vera í megrun yfir páskana, en einhvers staðar verður að nema staðar.

Páskar

Um páskana verð ég að vinna og læra. Ritgerðin skríður áfram svo að ég ætla að ná mér í nokkra yfirvinnutíma á rauðum dögum um páskana. Una verður í pössun hjá tengdó og ætla þau að skella sér norður á laugardaginn og taka Unu mína með sér. Ég kvíði svolítið fyrir þótt ég viti alveg að það sé ástæðulaust.

Tjörvi verður líka að vinna að venju svo að næstu mánaðarmót ættu að verða ágæt ;-) vona allavegana að þau verði betri en þau síðustu.

Á miðvikudaginn stefnir allt í mikið djamm. Bæði pálína og kokteilkeppnin fræga á Bárugötunni. Ég ætla þó ekki að drekka enda mikið sem ég þarf að gera á skírdag.

Hryllilegur morgun.
Una vaknaði um hálf fimm í nótt og sofnaði ekki aftur fyrr en um sex, þannig að klukkan sjö þegar við þurftum að fara á fætur var ég ekki vel sofin. Við mæðgurnar gerðum okkur klárar og vorum á leiðinni út þegar ég athuga hvort ég sé ekki örugglega með lykilinn að bílnum.

Nei hann var ekki á sínum stað svo að ég hringi í Tjörva til að gá hvort hann viti um hann. Hann tilkynnir mér þá að hann sé með hann í vasanum, ég auðvitað verð nokkuð pirruð og tuða um að nú verði ég of sein í vinnuna. Hann kemur heim með lykilinn og við Una getum loksins lagt af stað.

Svo þegar ég er komin hálfa leið í vinnunna sé í Unu í baksýnisspeglinum og uppgötva þá að ég hafði gleymt að fara fyrst með hana til dagmömmunnar. Svo að ég sný við og skutla Unu.

Geysist svo á ógnarhraða, mjög pirruð yfir því að mæta of sein, hleyp upp stigana og stimpla mig inn. Viti menn þá sýnir klukkan bara 7.57. SNILLINGUR.

Blake Thorpe: Thu ert illgjorn kona sem svifst
einskis til ad koma ser a framfaeri, baedi i
atvinnu og astum! Pabbi thinn er rikur og
voldugur og thu notar sambond hans oft til ad
koma ther a framfaeri. Nuverandi elskhugi thinn
er fyrrverandi elskhugi modur thinnar og
erkiovinur pabba thins! En thad stodvar thig
ekkert!


Hvada Leidarljos karakter ertu?
brought to you by Quizilla

Australia -
Founded as a gigantic prison colony, Australia has
turned into a Mid-Level world power. Known for
its wildlife and culture.


Positives:

Reformed.

Culturally Admired.

Mid-Level Power.

Renouned Flora and Fauna.


Negatives:

Founded by Criminals.

Island Nation (Isolated).

Talk Funny.



Which Country of the World are You?
brought to you by Quizilla

I am a Crown. I'm regal and proud. People instinctively follow my lead, so I don't even have to try. Sometimes it's a drag. What Sort of Hat Are You?

Hún Obba mín er með óþarfa móral út í hafnfirsku lögregluna í dag. Það sem hún áttar sig hins vegar ekki á er sú staðreynd að lögreglumenn vinna óhemju mikla yfirvinnu og eru því lítið heima fyrir. Að sökum þess hafa þeir ekki tíma til að gefa sig á tal við nágranna til að ræða lífviðurværi þeirra né heimsmálin. Stærsti hluti þess tíma sem þeir eru heima hjá sér eru þeir sofandi þar sem næturvaktir eru að mér skilst mjög lýjandi.

Hins vegar finnst mér aðdáunarvert hvað hafnfirska lögreglan lagði mikið á sig til að finna lítinn 6 ára snáða sem talinn var týndur, skólaus á stuttermabol. Þeir brugðust hratt við því það er ekkert grín þegar barnið manns er týnt í hrauninu sem er afar lokkandi og hættulegt fyrir 6 ára kríli. Finnst mér líka ekki ólíklegt elsku Obba mín að þetta séu þau viðbrögð sem þú kræfist af löggunni ef Elísabet Una ráfaði aðeins of langt frá hafnfirska parhúsinu og skilaði sér ekki heim.

Og bankaræningjar eru auðvitað alltaf sækó sama úr hvaða bæjarfélagi þeir eru.

Tek þetta persónulega Obba mín, Tjörvi ER hafnfirska lögreglan.

Flest grasker - Norn, súpernorn!
Enginn getur staðist segulmagnaða töfra þína og það fyrirfinnst enginn galdrameistari sem getur unnið gegn persónutöfrum þínum. En við nánari athugun kemur í ljós að þú átt engan svartan hatt, þú ert ekki rauðhærð og þú ferðast ekki um á kústskafti. Hvernig er þá hægt að halda því fram að þú sért norn.
Einfalt mál: Það er alltaf fullt af fólki sem snýst í kringum þig (líka flugur) án þess að þú hafir gert neitt. Sterkasti galdraeiginleiki þinn felst í að koma sjálfri þér á óvart.

Afmælisveislan afstaðin.
Afmælið hennar Unu var á sunnudaginn og auðvitað fór allur dagurinn í veisluhöld. Það var rosalega gaman og Una Rán fékk afskaplega mikið að fínum gjöfum. Hún skemmti sér vel og hress og kát að venju. Ég og Tjörvi erum í því núna að máta á hana nýju fötin og dáðst að prinsessunni. Ég hugsa að hún verði í nýjum fötum á hverjum degi núna í 2 vikur.

Ég er pirruð.Enda eru mánaðarmót og eins og alltaf var launaumslagið rýrra en maður vonaði. Ég er orðin svo langþreytt á þessu peningarleysi að mig langar til að öskra. Ef ég fæ ekki væna launahækkun hér á skattstofunni eftir mína 6 mánuði þá verð ég víst að leita mér að nýrri vinnu. Ég er á lægstu mögulegu launum þannig að þau þyrftu í raun að tvöfaldast til að ég verði ánægð, helmingast til að ég væri sátt.

Líkar reyndar alveg ágætlega að vinna hér á skattstofunni, en ég hugsa bara að það sé óhjákvæmilegt að ég muni þurfa finna nýja vinnu bráðlega. Þeir muna aldrei hækka launin mín það mikið, ég mun ekki geta lifað af þeim launum sem þeir bjóða mér. Bögg ha?!!

Leiðinlegt að vera svona pirruð en ennþá leiðinlegra að eiga ekki fyrir reikningunum sínum. Það reddast alveg eins og áður, en leiðinlegt að standa í þessu veseni hver mánaðarmót. Hélt að ég myndi sleppa við þetta vesen þegar ég kláraði skólann og færi að vinna, en það er víst ekki í spilunum þegar maður er að vinna hjá ríkinu.