Seductive Flirt


What Kind of FLIRT are you?
brought to you by Quizilla

You're a tequila sunrise, tequila, orange juice and
a grenadine sunrise. One of the most popular
cocktails your friends mean the world to you
and you're always eager to entertain them.
You're playful, musical and always surrounded
by people!


""Which cocktail are you?""
brought to you by Quizilla

The Bachelor
Var að tapa mér yfir The Bachelor í gærkveldi. Shit hvað þessi Christi er geðveik!!! Trúi bara ekki að hann skyldi ekki hafa hent henni út. Fyndið samt hvað mér finnst þessi þáttur siðferðislega rangur en jafnframt finnst mér ógeðslega gaman að horfa á hann. Var að lesa bloggið hjá GB og stóðst auðvitað ekki freistinguna og las um framvindi mála í þættinum. Vissi þetta allann tíman sko!! ;-) Ætla samt að horfa á þá áfram, stelpugeðveikin í fullum gangi.

Missti samt af SATC í gær. Reyndar missi ég barasta alltaf af þeim :-( Æ það er allt í lagi, ég ætla hvort eð er að safna þeim á DVD og þá verður bara ennþá meira gaman þegar ég horfi á þá þá.

Fór að sofa kl.20 í gærkveldi. Þvílíkur eðall!! Rosalega finnst mér gott að sofa og sofa sem mest í einu. Ætla reyna að fara aftur snemma í bólið í kvöld. Reyndar er ég samt drulluþreytt núna, má það samt ekki, er að fara í verkefnavinnu niðrí skóla á eftir. Shit hvað ég nenni því ekki.

Tjörvi var að kaupa nýja skó á Unu Rán. Keypti Adidas shell-toe með rauðum röndum. Þvílík pæja!! Núna förum við í göngutúr að reyna nýju skóna.

Ungbarnasund
Mér finnst ungbarnasund æði. Sérstaklega framhaldsnámskeiðið. Núna er Una alveg með á nótunum og er hin hressasta. Svo svaf hún líka svo vel í nótt eftir átökin. Reyndar slær móðurhjartað nokkur aukaslög við og við þær hjartsláttatruflanir munu örugglega bara aukast með árunum. Betra bara að koma því í form í leiðinni. Í einni sýnikennslunni í gær (með ókunnugt barn nota bene) öskraði ég ósjálfrátt þegar barnið steyptist í kaf. Algjör lúði, en svo stuttu seinna var ég sjálf að láta Unu kasta sér ofan í vatnið af bakkanum.

Kærastar vinkvenna minna eru ótt og títt að tínast í þingframboð. Bæði Ágúst hennar Obbu og Gummi hennar GB eru nú komnir á lista, reyndar fyrir sitt hvorn flokkinn en það er betra að hafa þetta fjölbreytt. Þetta eru líka eðalmenn og gott að fá þá í landspólítíkina, eiga örugglega eftir að láta gott af sér leiða í framtíðinni.

Morgunstund gefur gull í mund
Einmitt mætt í vinnuna kl.6!
Reyndar af því að ég þarf að fara í skólann á eftir, er að vinna upp tímann sem ég fer. Er núna alveg að leka niður úr þreytu. Alveg hrikalegt bara. Kannski að ég fari að ná mér í kaffi, held að það sé sniðugast í stöðunni.

Fór í saumaklúbb til Önnu Jóhanns í gær. Rosa gaman. Alltaf gott að gleyma sér í kökunum. Fékk líka heimboð til London, alltaf gott að vita að maður getur fengið ókeypis gistingu hér og þar. Nema núna er ég alveg veik að fara, vil helst fara sem fyrst. Þolinmæðin að gera góða hluti.

Hrikalegt að heyra með bróður hennar Ástu, ég á bara ekki til orð!

Ég og Dagný vorum duglegar um helgina og fórum í leikfimi MRL. Nema ég er svo mikil lúði þegar kemur að svona eróbikk sporum að það er sorglegt að horfa á mig. En þetta hafðist að lokum og ég gat gúffað í mig kökur um kvöldið með góðri samvisku heheeheh.

Var lasin á fimmtudag og föstudag og núna finnst mér eins og ég sé að fyllast af kvefi. En við ætlum ekki að láta það á okkur fá. Fæ mér bara sólhatt og lýsi og þá getur ekkert klikkað. Allavegana ef ég veikist þá ætla ég að vera í vinnunni nógu lengi til að smita sem flesta því i´m not going down alone!!

Tjörvi er kominn með bökunar-æði mér til mikillar gleði og skelfingar. Alltaf gott að fá góða köku en shit hvað þær eru fitandi. Og þar sem ég er í endalausri megrun boðar þetta ekki gott. Annars er ég að kafna í alls kyns megrunarkúrum. Auðvitað veit ég alveg hvað virkar best með áratuga reynslu að baki en alltaf eru svona skyndilausnir freistandi. Núna er ég alveg til í að missa 5 kg á viku. En hvað ætli þau komi hratt til baka?!!

Which guy are you destined to have sex with?
brought to you by Quizilla

What's your Inner European?
brought to you by Quizilla

Lasin
Ég er lasin :-( En ég er samt í vinnunni, meika ekki að vera lasin strax á fyrsta mánuðnum. Verð víst að þrauka en mér líður bölvanlega. Glatað. Var með hita í gær en ákvað að mæla mig ekki í morgun. Þá hefði ég örugglega dottið í pakkan að fara vorkenna mér meira en góðu hófi gegnir. Sofnaði um 8 í gær en vaknaði aftur og fór ekki upp í rúm fyrr en um miðnætti og svaf svo ekkert í nótt. Svona er þetta bara, best að harka af sér.

B.A ritgerð
Ég ætla að taka vikufrí úr vinnunni og einbeita mér að ritgerðinni minni eingöngu í eina viku. Vera að frá 8-17 og vinna vel allan tímann. Hversu ömurlegt væri það að taka sér frí til þess að gera ritgerðina og tíminn færi allur í súginn?!! Veit ekki hvort ég ætti að taka fríið núna í janúar -næstu viku eða í febrúar. Hugsa bara í febrúar. Ýta þessu aðeins lengur undan mér.

Una mín er með hita :-( Ætli það tengist ekki tanntöku, finnst það líklegast. Tjörvi er líka e-ð slappur, vona bara að við leggjumst ekki öll í pest, nenni því sko ekki.

Var með saumó í gær, alltaf gaman að hitta stelpurnar og gúffa í sig. Elísabet Una og Una Rán fengu að vera með og sýndu að þær eru gott efni í saumaklúbbskonur. Klukkan ellefu fór Una loksins að sofa enda orðin rangeygð að þreytu.

MSN
Vildi að ég gæti verið með MSN í vinnunni. Því þá væri ég á því núna. Ég nenni nefnilega ekki að vinna í augnablikinu og þá er svo ágætt að spjalla smá. Líka minna áberandi heldur en að kjafta í símann þar sem ég væri að pikka á lyklaborðið (líkt og núna) og allir héldi því að ég væri ýkt dugleg.

Lakkrís
Fór áðan og keypti lakkrísafganga þar sem ég er með saumó í kvöld. Eitt kíló á 300 kall!! Nema ég er svo mikill sökker fyrir lakkrís að ég er búin að standa á beit.... Vona bara að það verði e-ð eftir fyrir kvöldið hmm. Verst hvað manni verður illt í maganum af því að borða mikinn lakkrís. En ég læt það nú ekki stoppa mig.

Tjörvi, yndislegi eiginmaður minn, er að taka til fyrir mig svo að ég geti þóst vera snyrtimenni þegar stelpurnar koma. Ágætt líka að hann geri það því hann tekur miklu betur til en ég. Ryksugar undir sófunum og í öll horn gengur almennilega frá öllu en ég reyni frekar að finna e-n stað sem ég get hrúgað öllu ofan í og lokað svo á eftir.

Þegar mamma og pabbi voru að selja Safamýrina kom ósjaldan fólk að skoða. Ég var þá 17 ára og átti í miklum erfiðleikum að halda herberginu mínu snyrtilegu eins og unglingsstúlku sæmir. Svo að ég þróaði mjög góða aðferð. Þegar mamma tilkynnti mér að það væri að koma fólk fór ég og tók allt upp af gólfinu setti það ofan á rúmið og breiddi vel úr, setti svo rúmteppið yfir allt saman og voilá ógeðslega fínt í herberginu mínu. Nema hvað í eitt skipti var litla frænka mín í heimsókn þegar athöfnin átti sér stað. Ég áttaði mig alveg því að hún gæti tekið upp á þessu sjálf svo að ég tók sérstaklega fram að þetta gerði ég bara þar sem það stæði til að selja húsið og ég hefði ekki nægan tíma. Svo u.þ.b ári seinna tekur mamma hennar upp á því að selja íbúðina sína líka. Og hún segir frænku minni að fara nú og ganga frá dótinu inni í herbergi. Hún trítlar af stað og er ótrúlega fljót að taka til. Mamma hennar fer og kíkir á og jú allt er orðið fínt og engin leikföng á gólfinu. Svo verður henni litið á rúmið og sér þar fjall undir rúmteppinu. Segir við hana nokkuð örg að svona eigi maður ekki að gera, þetta væri sko ekki að taka til! Þá lítur frænka mín með stóru bláu augun sín á mömmu sína og segir: "en mamma, svona gerði Þóra þetta þegar hún var að flytja!" Mamma hennar flýtti sér inn á klósett til að hlæja en bað hana svo vinsamlegast að taka til aftur. Ég varð vægast satt vandræðaleg þegar hún sagði mér frá þessu og roðnaði sem aldrei fyrr. Reyndi e-ð að afsaka mig en það var tilgangslaust, hrikalegt.

Vitlaus x2
Einmitt, um daginn mætti ég á vitlausum tíma í skólann. Nema svo kemur í ljós að ég mætti ekki aðeins á vitlausum tíma heldur líka vitlausum degi!! Þannig að mér hefur núna tekist að missa af tveimur tímum í röð og það besta er að það verður ekki annar tími fyrr en í vor! Sniðug ekki satt?

Hitti Hörpu í gær, hún er komin með voðalega fína bumbu! Hlakka mikið til að sjá hana vaxa og dafna. Svo ég tali nú ekki um að fá að sjá krílið! Þau eru að fara flytja á Bræðraborgarstíg þar sem þau voru að kaupa sér íbúð. Það er fjölskylduvænna umhverfi heldur en Laugavegurinn býst ég við.

Fór í geggjaðan BP tíma í gær með Dagnýju. Besti kennari sem ég hef lent á skal ég segja ykkur. Ógeðslega skemmtileg þannig að ég var í kasti allan tímann.

Það er að koma helgi...... ííííí skemmtilegt. Er nefnilega ekki að meika að vera í vinnunni núna, langar obbóslega mikið heim!! Ekki það að hér sé ekki ágætt að vera, allt að koma til skal ég segja ykkur.

Hitti Arnar Stein á mánudaginn, mjög gaman að sjá hann loksins. Erum kannski að fara djamma með honum á morgun og ég hlakka barasta til. Reyndar er alveg á gráu hvað við erum að djamma mikið núna. En ætli ég eigi það ekki alveg inni.

Hmm klukkutími og korter eftir. Hlýt að halda það út.

Var að tala við IH, var að bjóða mér á mömmumorgun til Villu. Gaman gaman.

Vitlaus
Ég fór í skólann í gær. Sem er kannski ekki frásögu færandi nema hvað, ég er í heilsárskúrs og eðlilega gerði ég ráð fyrir að hann yrði á sama tíma og hann var fyrir jól og mætti samviskulega kl. 14.00. Var þá búin að mæta fyrr í vinnuna og sleppa bæði mat og kaffi svo ég gæti farið kl.13.30. Svo mæti ég og opna stofuna, er aðeins of sein, nema þá er stofan bara full af ókunnugu fólki og allt annar kennari. Ég hröklast út og fer og kanna málið. Þá kemur í ljós að tíminn er kl. 11.30 og var því löngu búinn þegar ég mæti á svæðið! En sem betur fer hitti ég á kennarann og gat því fengið að vita hvað ég missti af. En svo var þetta svo sem ágæt var komin heim kl.14.30 og fór að leika mér við Unu mína sem var skal ég segja ykkur hæst ánægð að fá að hafa mömmu sína í friði.

Meira af BP tímanum..... ég hélt að hann ætti að vera kl.17.25 en ég var greinilega bara í tómu rugli með allar tímasetningar í gær þar sem hann var kl. 19.35 og þá hefði ég alveg getað mætt. Finnst ykkur að ég ætti að fara láta ath þetta e-ð?!

Lúði

Ég fór ekki í BP í gær né í leikfimi í morgun. Tvö refsistig. Málið er það samt ef ég má afsaka mig smá að ég fór í langan göngutúr í gær og var alveg búin eftir hann. Svo var ég næstum bara lasin í gærkveldi og í morgun var veðrið ógeðslegt. Veit veit ekki nógu góðar afsakanir enda er ég með móral dauðans. Ég verð þá víst að fara eftir vinnu í dag og bæta upp fyrir skrópið og mæta svo fersk í fyrramálið.

Arnar Steinn er kominn til landsins. Er í stuttri heimsókn frá Kína. Ég get ekki beðið eftir að fá að hitta hann, en það er víst svoldið mikið að gera hjá honum að hitta alla þannig að við verðum víst bara að bíða aðeins. Ætli við hittum hann ekki á morgun.

Ég er að fara spila í kvöld með stelpunum, það verður örugglega mjög gaman. Líst vel á partýspilið, heyrt mjög góðar sögur af því.

I am



Find out which Garbage Pail Kid you are!

	You are Fozzie! Wokka Wokka! You love to make lame jokes. Your sense of humor might be a bit off, but you're a great friend and can always be counted on..
Take the What Muppet Are You? Quiz!

Skemmtilegt

Var á stelpudjammi á laugardaginn, ógeðslega gaman. Alltaf gott að hitta vini sína og djamma pínulítið. Anna Kristrún að fara á kostum í framtaksemi, búin að stofna bankabók sem við ætlum allar að leggja inná mánaðarlega og safna fyrir pæjuferð til New York. Kom svo líka með þessa snilldarhugmynd sem ég ætla ekki að segja frá, hún liggur bara milli hluta um senn.

Fór í leikfimi í morgun, nema það var næstum fullt út úr dyrum. Greinilegt að fólk er að tapa sér í áramótaheitum. Ég er að reyna nota tíman sem Tjörvi er í fæðingarprlofi sem best, get ekki farið eins oft þegar hann fer að vinna því hann mætir kl. 7. Ég er búin að venjast því að fara í leikfimi á morgnana. Tók mig viku. Núna finnst mér það algjört æði. Ég er fersk allan daginn, en búin að vera kl. 9.

Keypti mér grænt te í gær. Það á víst að vera alla meina bót. Það sagði Cosmopolitan allavegana og ég treysti því fullkomlega í þessum efnum. Þvílíkt snilldarblað!! Var að lesa það í gær og það er allt milli himins og jarðar í því, reyslusögur, sjónarhóll karlmannsins, leiðir til að ná þessu og hinu, allt sem viðkemur kynlífi má líka finna í því og svo fram eftir götunum. Svo þegar maður er komin með yfir 20 blöð er maður í góðum málum!

You Are Hipster Panties!

Modern, sleek, and comfy.

Sexy, but not trashy!




What's Kind of Panties Are *You*?

More Great Quizzes from Quiz Diva

Aftur
Ég fór aftur í leikfimi í morgun!!
Ég er reyndar að deyja núna úr þreytu og harðsperrum. Ætlaði samt ekki að nenna að fara, en mjög fegin að ég fór. Ætla að fara aftur á morgun en hvíla mig svo um helgina. Nema að ég plati Dagnýju með mér í Body Pump á sunnudaginn.....

Úff ég er algjörlega að leka niður úr þreytu, best að fara kanski bara og ná sér í kaffibolla.

Dugleg stelpa

Ég fór í leikfimi kl.6 í morgun!!!!
Ég er ekkert smá dugleg, nú er bara að halda þessu við og fara minnst 3x í viku!! Ég er orðin svoddan fitubolla að ég verð að fara gera e-ð í mínum málum. Skrítið samt hvað ég er löt við að fara og ætlaði ekki að geta farið í morgun en svo um leið og ég er mætt á staðinn og farin að hlaupa, þá er ég ekkert smá sátt. Skil jafnvel ekki af hverju ég geri þetta ekki á hverjum morgni því mér líður svo vel, bæði vegna þess að hafa hreyft líkaman minn svo lítiðog hvað ég er ánægð með sjálfa mig að hafa farið.

Una mín er orðin svo stór. Hún reynir að standa upp við hvert tækifæri, jafnvel við hreyfanlega hluti og þá fer nú oft illa. Svo fékk hún bíl í jólagjöf sem hún er farin að keyra um allt, auðvitað er ég að tala um leikfangabíl!! Ótrúlega sætt að sjá hana ýta sér áfram með löppunum, verst að hún er ekki alveg búin að fatta stýrið þannig að ég þarf alltaf að snúa henni við hahahhhah.

Löt
úff ég er bara alveg afskaplega löt núna. er samt búin að vera mjög dugleg í vinnunni í dag. Ætli að ég geti sluksað í klukkutíma? Væri alveg til í það, spurning bara hvort að samviskan leyfi það. Vesen þessi samviska.

Ég og Tjörvi ætlum að kíkja á útsöluna hjá Míru á eftir, best að fara og kvelja sig aðeins. Leiðinlegt að eiga ekki peninga. Fór samt á útsölu um helgina og keypti mér buxur og bol, reyndar fyrir pening sem Steini afi hans Tjörva gaf mér í jólagjöf. Dýrka útsölur, útsalan í Vero Moda byrjar 9. janúar. Mig langar að kaupa mér fullt. En það er víst ekki leyfilegt. HRUMPH

Stefnumót
Ég má til að monta mig aðeins af manninum mínum. Á föstudaginn þegar ég kom heim úr vinnunni beið mín miði og rós á útidyrahurðinni. Í miðanum stóð að ég ætti að fara beint inn á baðherbergi og fara í heita og góða sturtu, hafa mig svo til því við værum á leiðinni út. Ég gerði bara eins og mér var sagt og fór inn á bað og fór í yndislega sturtu og renndi ísköldum bjór niður um leið. Tjörvi hafði komið græjum fyrir inná baði þannig að ég gat hlustað á uppáhalds tónlistina mína líka sem gerði þetta enn betra fyrir vikið.

Ég fór svo að hafa mig til og gerði mig eins sæta og mögulegt var. Fór í fötin sem Tjörvi hafði valið fyrir mig áður og hringdi svo í hann eins og staðið hafði í bréfinu að ég ætti að gera. Þá kom hann og náði í mig, sætur að venju, og við fórum út. Fyrst bauð hann mér á rúntinn (mér finnst það svo svakalega skemmtilegt en að sökum atvinnu Tjörva finnst honum það minna gaman), svo fórum við í bíó því næst aftur heim þar sem við borðuðum dýrindis kjúkling og meðlæti. Þá var einnig freyðivín í kæli sem við drukkum úr brúðkaupsglösunum okkar og rifjuðum upp gamlar sælustundir.

Æðislegt ekki satt?!! Fyrir utan allt þetta var hann líka búinn að taka allt til og þvo allan þvott.

Vel gift verð ég að segja!

Endurfundir
IH er að koma heim!!! Ætlar að heimsækja okkur hér á Fróni í nokkra daga, ég hlakka mjög til. Gaman fyrir okkur vinkonurnar að geta hist allar þar sem það hefur oft reynst okkur strembið. Núna sit ég sveitt við að reyna finna e-ð skemmtilegt handa okkur öllum að gera meðan heimsókninni stendur, en það sem ber alltaf hæst hefur að geyma alkahólinnihald yfir 20%

Mér finnst gaman að skemmta mér með vinum mínum og reynslan hefur sýnt mér mikilvægi þess að eiga góða að. Auðvitað getur alltaf slest uppá vinskapinn en það er bara hluti af því að vera vinir því það er ekkert gaman að vera alltaf sammála um allt og alla. En mikilvægt er að virða skoðanir annara og reyna ekki að koma sínum siðum upp á aðra sem eiga sína eigin. Hér gæti ég farið að fjalla um kristinboð og skoðanir mínar á því en læt það ógert.

Nei, viti menn er ekki bara komið að hádegismat....

Be happy thats right just be like a fire spredind everywhere. its all good you'll always be very happy and thats a good thing, your a summer fairy

What kind of fairy are you?
brought to you by Quizilla

What's your sexual appeal?
brought to you by Quizilla

Vinna

Í morgun vildi ég ekki fara í vinnuna. Mig langaði bara að vera heima og leika mér við Unu Rán og Tjörva. En ég fór samt sem áður og dagurinn hefur svo sem bara verið ágætur. Mér finnst ágætt þegar það er mikið að gera og tíminn líður hratt. Ömurlegast þykir mér þegar ég sit og horfi út í loftið og líður eins og fávita þar sem ég kann ekki neitt á hlutina hér.

Stundum hugsa ég með mér að ég ætli bara að vinna hérna í þessa 6 mánuði og hætta svo. Svo hugsa ég að ég ætli bara að hætta strax. Daginn eftir get ég vel hugsað mér að vinna hérna barasta til frambúðar, eða hér um bil. En alltaf langar mig að hafa Unu hjá mér og kvíði svo fyrir þegar Tjörvi er búinn í fæðingarorlofinu og fer að vinna. Það að setja Unu til dagmömmu hræðist ég óskaplega mikið. Ég veit ekki af hverju þar sem krílunum finnst yfirleitt mjög gaman að fá að leika sér allann daginn við önnur börn og fara út og leika. Hafa gott af því og læra mikið. Ég er til dæmis alltaf að heyra góðar sögur af dóttur vina okkar sem er búin að læra öll jólalögin og syngur eins og engill og dansar með hjá dagmömmunni sinni. Kannski er málið bara að ég vil vera eina MAMMAN í kringum Unu. Eigingirnin að taka öll völd, aðskilnaðaróttinn eykst.

En þar sem Tjörvi er í vaktavinnu vinnur hann bara 2-3 daga í viku og svo um helgar, þannig að Una þyrfti ekki að vera 8 tíma á dag alla vikuna heldur bara af og til. Fyrir utan allar ömmurnar í kringum hana sem sjá ekki sólina fyrir henni og vilja ólmar hafa hana hjá sér. Þetta er örugglega eins og allt annað og venst með tímanum sérstaklega þegar ég sé hana vera káta og koma geislandi frá dagmömmunni sinni. Samt finnst mér gott að hugsa til þess að hún fer ekki fyrr en eftir 2 mánuði....

2003

Nýtt ár litið dagsins ljós og allt enn með felldu. Líst bara vel á komandi ár enda á það eftir að verða viðburðaríkt.
Stórafmæli og útskriftir eiga eftir að vera áberandi á árinu auk stórvirkja dóttur minnar sem aukast dag frá degi.

Þar sem 2. janúar er kominn er ekkert annað hægt en að líta fram á veginn og hlakka til þegar birta tekur og ógeðslega myrkrið víkur fyrir björtum sólríkum dögum :-)

Þetta myrkur er alveg að fara með mig, alltaf dimmt nema kannski í 10 mín. á dag. Alveg komið með ógeð.

En svartsýni dugar ekki ef duga skal og því ætla ég að vera bjartsýn og bíða róleg, þar sem ég er nú einu sinni landsþekkt fyrir þolinmæði mína, eftir björtumnótum og sumarfríi!!